امسك حبل الصبر

موضوع: امسك حبل الصبر الخميس يونيو 21, 2012 5:50 pm

حبل الصبر

كلمات عبد الله محمد خير
غناء صديق أحمد

تلب امسك حبل الصبر وخلي قلبك لا يبقي ني

اصلو ود اب زيد كل يوم من بلدنا يرحل جدي

شن بسويلك عاد انا القبلك الحرمان مر بي

والضنا الهسا عليك زاد من زمان اما زايد علي

كم حبيبا شغل الفؤاد في العيون كان متل الصبي

حل بي توفيق السواد مافي زول قال كفاره لي

أرقي يا تلب ودعت قبلو كم قمره منوره

وكم تحف نادرات سافرن كم فراشة وكم جوهره

وكم قلوب متلك بالفراق الأنين والشوق سهره

شوف عوض عبدون الحروف خل من باطنها ظاهره

يا عوض مدرسة الشعر بي جداره ياك ناظره

بي غناك حرف السين بقت فوق بنات جيلا مبطره

سابك اللي بلد الجليد ودعك ودق مغادره

يا قلب مالك إنجرح ولسه ليه جرحك ما بره

اما انا المسكين الظروف غرزت في أظافره

وين غناي لي شتل الجروف والجناين وأزاهره

أسالوا الدرويش عن صديق عمرو كم جمرات عاصره

خلو يحكيلكم عن جمال النجيفي الهو معاصره

الككر يارحمن زمان ضاع مع العشاق شاعره

ما نفع تغريدو الحزين وما نفع صدق مشاعره

جننوالبتوفيق رحل وهام ورا القام بالباخره

خلا دنياه فرندقس ما عرف أولها واَخره

أرقي يا رحمن في السماح مافي بلداً بتجاكره

والله مديها السماحه صاح من كروها ولا تكره

أصلو ود أب زيد معترف بي جريمتو ومو ناكره

كلو جور القال سفروها وقام قطع ليها التذكره
[/b][/size]