قلبي الحزين كان يالرزين كاتم شجونو و مانعة شان ما يقولو ضعيف أمام حورية جلا الصانعة لو مرة بس صرحت بي حب الزهور اليانعة ما كان عقابى يكون عذابي وبي ردود ما مقنعة
قلبي الحزين عد السنين عداها تمت أربعة ولقاكى جوه ضلوعو ساواليك عرش متربعة وفى حبو ليك ألف قصايد رائعة لكنو يخشى على حروفك من مداد المطبعة
قلبي الحزين مل الأنين وقلب صحايفو وراجعه وفتش روايات الاحبة ولمه كل مراجعه داير يشوف هل كان في زول من قبلو ميت في غرام دفيقة دوبة مبقعه
قلبي الحزين عايزك أمين وحافظ مواثيقوا المعاك ماضيعه قلبى الحزين عاش مستكبن شايل أوامرك طايعه وشايل بذور الريدة لي دنيا الخلود ماش يزرعه ويفتح جداول من بحيرات الحنان من منبعه وينساب عبير دافق على حبو الكبير أشواق وهمسات وادعه
قلبى الحزين مشتاق متين محبوبتو يمسك أصبعه ويكسيهو بي خاتم حرير وبي بيت شعر من قول جرير وبي آية من الواقعة وتجى الملائكة تبارك الأفراح تشيلا توزعه وتتبعنى في دربي الطويل وآمال كلها تتبعه وتسمح لى بي هالة قبل فوق الخديد وانا أطبعه
نزارمحمد عضو جديد
عدد المساهمات : 5 تاريخ التسجيل : 18/08/2011
موضوع: رد: قلبى الحزين الجمعة أغسطس 19, 2011 8:16 am
يديك العافيه حسن محمد ميرغنى
منتصر ود البرصه ::: شايـــــقى اصـــــــيل :::
عدد المساهمات : 35 تاريخ التسجيل : 17/08/2011 العمر : 33
موضوع: رد: قلبى الحزين السبت أغسطس 20, 2011 11:26 am
قلبى الحزين مشتاق متين محبوبتو يمسك أصبعه ويكسيهو بي خاتم حرير وبي بيت شعر
الله الله على الكلمات تسلم
عماد الدين على نصر عضو جديد
عدد المساهمات : 2 تاريخ التسجيل : 18/08/2011 العمر : 48 الموقع : الخرطوم
موضوع: رد: قلبى الحزين الأحد سبتمبر 11, 2011 11:53 am
وداير يشوف هل كان فى زول من قبلو ما بيملك خلاف الروح او وافق يدفعا
