الرئيسيةالبوابةاليوميةمكتبة الصورس .و .جبحـثقائمة الاعضاءالمجموعاتالتسجيلدخول

شاطر | 
 

 نهيدات الجدى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
كلبوظه
عضو جديد
عضو جديد


عدد المساهمات : 6
تاريخ التسجيل : 27/06/2012
الموقع : جمبك ومشتهيك ياعيون

مُساهمةموضوع: نهيدات الجدى   الأربعاء يونيو 27, 2012 11:45 pm

نهيدات الجدي
عبدالله محمد خير


مالكن على وليه يا نهيدات الجدى
سويتا العجب العجيب فى قلبى بهدلتنو لى
نوسرتن الجرح القديم الكان مسهد لى عينى
ومن شفتكن ما شفتن الحاصل على
ما شفتن القرن القبيل كت قايلو مات
تاريهو حى تاريهو زى ما كان زمان
ينبض ... شباب ... وشجون ... وغى
ليه يا نهيدات الجدى يا برتكانات استون
فوق عودن اللدن الطرى
مضمور محل متبور محل نجضان ونى
لين هنا ونديان هناك وسط قوى
بس عندو سيد مرات عنيد مرات هدى
ليه يا نهيدات الجدى واقفات بلا قببا
فقيرن ديمه شالع فوقو ضى
ينشاف قريب وينشاف بعيد
بتق فى احساس جديد ينتر شديد
لا عرفتو ريد لا عرفتو جن دايرلو قيد
وقفت حدود معرفتى فوق حلما صبى
يرجف يغازل النسمه كان هبهب هوى
مالك على آ بنى هوى مالك على
وانا عمرى ما اتحدث مع زولا اسمو (مىّ)
بس قولى شن قارنى فيك لاك عارفى (هوىّ)
لاك عارفى(هيى) لاك عارفى هىّ
وللشىء البعجبك ما بتعرفى تقولى (سىّ )
يا بت عليك (زاد الشجون)
وبوب مارلى والحزن القديم
اتمهلى لا تستهزى بىّ
عمك انا وجدك كمان لكن مصيبتى على العلى ّ
بهوى الجمال وبهوى السبيب كلما هو طال
وبهوى الصدير كل ما حضن رمان وشال
وبهوى البنات كلما بقن شبه الغزال
وما فيش بلا الهوى بين ايدى ّ
وانا من زمن بارى السراب سارح معاهو ودىّ ودىّ
كل ما اقول بى داك عمار ادنالو القى هويد وصىّ
ليه يا نهيدات الجدى يالزى (نواطير) الترك
فى العالى ما طلاها رىّ يا الزيكن .... ما شفنا زى ّ
طماع انا ..!! ومابرضى بى شيتن شوىّ
وما بيسعد المكتوبلو فى المحفوظ (شقىّ)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نهيدات الجدى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى صديق احمد :: ~*¤ô§ô¤*~ أقسام الفنان صديق احمد ~*¤ô§ô¤*~ :: قسم كلمات اغانى صديق احمد-
انتقل الى: