الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 التومات ....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد صابر محمد
عضو جديد
عضو جديد
avatar

عدد المساهمات : 9
تاريخ التسجيل : 21/06/2012

مُساهمةموضوع: التومات ....   الخميس يونيو 21, 2012 2:00 pm










خلهن سوا لا تفرقن
يالله توماتى انا بعشقن
ساعه ساعه أنا بنتاوقن
لحظة مابقدر أفارقن
ليه عيونى الشوق حارقن
والدموع دايرى تغرقن
والدن قال ما يمرقن
خايف النظرات تلحقن
وخايف العين ما تعوقن
كان زمان لى شتلو يسقن
ومره فى اللوبى يورقن
ديمه بالقعده ينقنقن
ويحلفن لو ابي ما يصدقن
هن وين تانى بيتلقن
وليه يحفظن الخالقن
يا عيونى انا لا تزهجن
ولى مشاعرى انا لا تزعجن
لى خيوط السعد انسجن
يمكن التومات يخرجن
خطوه ... خطوه ... بيندرجن
وفى عذابكن بيتفرجن
انا ما بخاف الموت والسجن
والله جسمى الصبى يتعجن
هن مالن ابن ما يجن
ويا الله مالى انا ماشى اجن
ما بصح يا الحاج اب شنب
ولسه ديل ما بقو للادب
فى المعاملة ما تكون صعب
انت ما تقسى على العنب
وما تعكر موية الدهب
شمعتين اوعه من اللهب
ونحن يا الزينيين لينا رب
متلى كم زول مات بالشجن
وقبلى ود الزومه انسجن
من ضفاير بتموجن
من خدودا بتوهجن
من تويمات اتخرجن
من عيون اترابن نجن
فوق عروش الحيا توجن
لى مريضن ما عالجن
قلبى نيرانو اتاججن
وكل اعصابو اتبنجن
مالى قبلاتى اتعوجن
امشى وين يا نور الدجن
***
ما كفاى يا التومات اذى
وما كفاى انا لعب الخذى
هو طيف ! ويلاوز لى ملاوزه
ما التويمات انا حاجزه
وحاجه غيرن ما عايزه
يا الجمالكن بقى معجزه
السن النقاد عاجزه
ان تجيب اوصاف موجزه
يا قليبى انا يا حبذا
تبقى حالتنا مجهزه
ولحظه تأخير ما جائزه
***
ليه يضايقونا الناس كده
والغرام .. سنه .... مؤكده
أنا قلبي من اول ما بدا
بى غرام التومات شدا
والعيون مويته جامده
البعاد الطال سهده
البكى المكتوم شاهده
ليها سته شهور شارده
من زمان فارقت الندى
لا زيارات .... لا معايده
لا صدف عن ساعه الغدا
ما بتشوف ناس هاديه وهدي
انا قلت بالصبر ازوده
على البعاد يمكن اعوده
تانى ترجع متمرده
تعيد اشواقه تجدده
روحى دركت...منو ينجده؟
بلا التويمات الرايده










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
التومات ....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى صديق احمد :: ~*¤ô§ô¤*~ أقسام الفنان صديق احمد ~*¤ô§ô¤*~ :: قسم كلمات اغانى صديق احمد-
انتقل الى: